- Hemen zaude:
SPRI Taldea
SPRI, ERALDAKETA LEHIAKORRERAKO SOZIETATEA, enpresen garapenerako agentzia bat da, Eusko Jaurlaritzak 1981ean sortu zuena, Euskadiko enpresen sareari laguntza eta bultzada emateko, beren lehiakortasuna sustatuz eta merkatu globalean duten posizioa hobetuz.
SPRI Taldeak 200 lagunez osatutako giza talde bat dauka, zeinak euskal ETEen alde lan egiten baitu EAEko 4 Teknologi Elkartegietan. SPRI Taldearen barruan daude baita ere 22 industrialde kudeatzen dituen SPRILUR lurzoru industrialeko sozietatea, arrisku kapitaleko erakunde bat (7 funts, 4 Enpresa eta Berrikuntza Zentro eta 59 herrialdetara hedatzen den kanpo sarea dauzkana) eta SPRIren matrizea, denen dinamizatzaile bezala lan egiten duena eta zuzenean lerrokatuta dagoena Eusko Jaurlaritzako Industria, Berrikuntza, Merkataritza eta Turismo Sailarekin.
SPRIk euskal enpresentzat gauzatzen duen jarduera hiru zutabe hauetan oinarritzen da:
- RESISTE: Proiektu bideragarriak dauzkaten enpresei laguntza puntualak eskaintzen zaizkie krisia gainditu dezaten.
- COMPITE: Enpresentzako tresna multzo bat da, posizio lehiakorra lor dezaten krisia amaitutakoan.
- LIDERA: Enpresa edo enpresa taldeen proiektu estrategikoak sustatu eta bultzatzeko laguntzak dira, baina horretarako inpaktu handia izan behar dute Euskadin eta helburutzat izan behar dute posizio hobea lortzea nazioko edo nazioarteko merkatu garrantzitsu batean.
SPRI Taldeko sozietateak
-
SPRILURIndustri lurzorua, industri eraikinak eta bulegoak eskaintzen ditu gure Autonomia Erkidegoan eta enpresa berriei edo tokiz aldatu nahi dutenei laguntzen die beren lehiakortasuna hobetuko duten industrialdeetan edota lursail egokiagoetan kokatzen.
-
Euskadiko Arrisku Kapitalaren Kudeaketa, AKEKS S.A.
SPRI Taldearen baitako Sozietate honek funtsak kudeatzen ditu finantzazkoak edo higiezinen arlokoak ez diren ETEetako kapital sozialean parte-hartze minoritarioa eta aldi baterakoa izateko.
-
Teknologi Elkartegien Sarea
Azpiegitura aurreratuen sare bat da, eduki berritzaile eta teknologiko handiko enpresa ekimenak bere baitan hartzeko sustatua:
-
Enpresa Zentroak (EBZk)
Merkaturaino bideratzen eta helarazten dituzte egitasmo ekintzaileak, lehentasuna emanez oinarri teknologikoa edo berritzailea dutenei eta kultura ekintzailea sortzen lagunduz. Hiru lurralde historikoetan kokaturik, proiektuaren bideragarritasunari buruzko orientazioa eskaintzen dute, eta baita ere tutoretza-aholkularitza pertsonalizatua, enpresak ezartzeko toki egokienei buruzko informazioa, prestakuntza, etab.
-
Kanpo sarea 50 herrialde baino gehiagotan
Euskal enpresen nazioartekotzea bultzatzeko ekintzetarako, Bulego Iraunkorrez eta Tokiko Aholkulari Espezializatuz osatutako Sarearen laguntza dugu 50 herrialde baino gehiagotan.
