Albisteak

SPRIren Kanpo Sarea enpresen Serbitzura egongo da EAEn ekainaren 14an 15ean eta 16an

SPRI, 2010/05/25

SPRIk Argentinan, Kuban, Txilen, Brasilen, Turkian, Indian, Txinan, Polonian, Txekiar Errepublikan, Eslovakian, Errusian, AEBetan eta Mexikon dauzkan bulegoetako zuzendariak EAEn izango dira datorren ekainean, eta euskal enpresek elkarrizketa pertsonalizatuak egin ahal izango dituzte SPRIko bulegoetako zuzendariekin herrialde horietako merkatuen aukerak aztertzeko.

Enpresen eta Kanpo Sarearen arteko topaketak albait gehien errazteko, Autonomia Erkidegoko hiru hiriburuetan egingo dira bilerak. Ekainaren 14an Donostiako Teknologi elkartegian, ekainaren 15ean SPRIk Bilbon dauzkan bulegoetan eta, azkenik, ekainaren 16an, Miñao Parkeko instalakuntzetan, Araban.

Industria, Berrikuntza, Merkataritza eta Turismo Sailak laguntza zerbitzu hauek eskaintzen ditu SPRIko Kanpo Sarearen bitartez:

• Xede diren merkatuen informazio eta analisia.
• Atzerriko merkatuan komertzialki sartzeko aukera.
• Atzerrian merkataritza eta produkzio ezarpenak egiteko laguntza.
• Behin-behineko kokapena Negozio Zentroetan.
• Prospekzio bidaia indibidualizatuak antolatzea.
• Tramiteekin laguntzea.
• Tokiko agintariekin eta administrazioekin harremanetan jartzea.
• Finantza arloko laguntzak.

Gure bulegoetako zuzendari batekin edo batzuekin bileraren bat izan nahi baduzu, hitzordua adostu dezakezu www.spri.es/agendadelegadosspri web orriaren bitartez.