Ciudades Emergentes y Sostenibles
- Hemen zaude:
Ekintzaileak
Ekintzailetzaren Euskal Zerbitzua
Eusko Jaurlaritzak erabaki irmoa hartu du jarduera ekintzailea sustatzeko eta ekintzailearen figuraren inguruko sinergiak sortu, ahaleginak partekatu eta interesak bultzatzeko. Hau da, EAEk Gizarte Ekintzailearen aldeko apustua egin du.
Ildo horretatik, SPRIk Ekintzailetzaren Euskal Zerbitzua abiarazteko erronka onartu du. Ekintzailetzaren Euskal Zerbitzuaren bidez tramite burokratikoak arindu eta aukera guztiak bideratuko zaizkie negozio berri bat martxan jarri nahi duten ekintzaileei. Ekonomiaren Garapen eta Lehiakortasun Sailak sortuko du zerbitzu hori, ekimen honetan parte hartuko duten beste erakunde guztiekin koordinaturik.
Jada eman da lehen urratsa, sortu baitira zerbitzu publikoko oinarrizko bi tresnak: ekintzailearen ataria (www.euskadiemprende.net) eta ekintzailearentzako telefono bakarra (900716001).
Emprende Foroa
Bestalde, SPRIk Emprende Foroa indartu du 2010ean eta 2011n ospatutako bi edizioetan. Foro horren helburua da topaketa-gune bihurtzea ekintzaileen, ekintzailetzako eskumenak dituzten agenteen, erakundeen eta inbertsiogileen harremanetarako.
Topaketa honen azken edizioak 2.800 lagun elkarrarazi zituen eta 24.967 lagunek bisitatu dute Emprende2011.net web gunea.
Ekintzailetzarako laguntza eta zerbitzuak
SPRIk hainbat tresna ditu ekintzailetza bultzatzeko: “enpresa bat sortzeko 10 urrats” eta programen bidezko laguntzak, hori guztia Taldeko sozietateen (EBZk) babes eta koordinaziopean, prozesu guztian zehar laguntzen baitiete ekintzaileei.
Bernabé Unda, SPRIko presidenteak eta Industria, Berrikuntza, Merkataritza eta Turismo sailburuak hitzarmen bat sinatu du La Caixa, BBK, Kutxa eta Vital Cajarekin autonomo eta mikroenpresentzako finantzaketa indartzeko.
Merkaturaino bideratzen eta helarazten dituzte egitasmo ekintzaileak, lehentasuna emanez oinarri teknologikoa edo berritzailea dutenei eta kultura ekintzailea sortzen lagunduz. Hiru lurralde historikoetan kokaturik, proiektuaren bideragarritasunari buruzko orientazioa eskaintzen dute, eta baita ere tutoretza-aholkularitza pertsonalizatua, enpresak ezartzeko toki egokienei buruzko informazioa, prestakuntza, etab.
