Prestakuntza eta sentsibilizazioa

Berrikuntza sistematizatzen laguntzen dugu antolakundearen barruan, ikuspegi integrala aplikatuz. Horretarako, batetik, laguntza programak daude. Bestetik, SPRIk enpresetako prozesu berritzaileak osatzen dituzten balio erantsiko zerbitzu ugari eskaintzen ditu:

• IT-Txartela

  

  Informazio Teknologien oinarrizko ezagutzak akreditatzeko sistema bat da, zeinaren bitartez ziurtagiri bat lortzen baita.

  
• Barnetegi Teknologikoa

  

  Informazio Teknologiek eskaintzen dituzten aukerei eta balioari buruzko prestakuntza trinkoa. Jarduera hau ingurune isolatu batean garatzen da, non sektore desberdinetako 12 profesional elkartzen baitira 24 orduz. Barnetegian ikuspegiak, sinergiak eta ideiak parteka ditzakete edo proiekzioak sortu eta antolakundeen mugimendu estrategikoko ildoak zehaztu, Internetek eta 2.0 inguruneak eskaintzen dizkieten aukerak aprobetxatuz.

  
• Empresa digitala

  

  Sentsibilizazio eta prestakuntza jarduera honen helburua da Sarean negozio berriak garatzen laguntzea eta horretarako, gaikuntza eta babesa eskaintzen die ekonomia berriko profesionalei.

  
• Directivo21: Zuzendaritza-karguentzako prestakuntza

  

  Prestakuntza prozesuaren helburua da erakundeetako zuzendaritza aldatzea, euskal enpresetan zuzendaritza-postuak dauzkaten pertsonek funtsezko eta beharrezko gaitasunak lor ditzaten antolakundeetako berrikuntza prozesuei aurre egiteko.

  
• Lider21: Berrikuntzarako liderrak

  

  Prestakuntza ekintza hau pertsona talde baten arduradun diren eta berrikuntza proiektuetako lider izango diren pertsonei zuzenduta dago, kudeaketarako behar dituzten gaitasun eta tresnak eskura ditzaten.

  
• Sarea 21

  

  Antolakunde berritzaileetako zuzendaritza-karguen sarea

  
• KZ Prestakuntza

  

  Mikroenpresa, autonomo eta merkatariei zuzendutako Interneti buruzko prestakuntza